ඇන්ඩ්‍රොයිඩ් ගැන ඇත්තටම දන්නවද?

කාගෙන්හරි ෆෝන් එකක් තියෙනවද කියලා ඇහුවොත් 99%කගෙම උත්තරේ ඔව්.ඒ අයගෙනුත් සෑහෙන්න පිරිසක් ලඟ තියෙන්නේ ඇන්ඩ්‍රොයිඩ් ෆෝන් එකක් කිව්වොත් ඒකත් හරි.ඉතින් කවදහරි හිතිලා තියෙනවද අපෝ මගේ ෆෝන් එකේ තව කරන්න,දැනගන්න දෙයක් නෑ මම මගේ ෆෝන් එක කාලා තියෙන්නේ මම ඒ ගැන ඕනම දෙයක් දන්නවා කියලා.එහෙමනම් මෙන්න මේවට උත්තර දීලා බලන්න තමන්ගේ ෆෝන් එක ගැන තමන් කොච්චර දුරට දන්නවද කියලා.මම මෙතන දාන දේවල් ගොඩක් වැදගත් වේවි samsung වගේ highly customizable ෆෝන් තියෙන අයට.අනිත් අයටත් වැදගත් වේවි, බැලුවට කිසි පාඩුවක් වෙන එකක් නෑ හොඳේ. හැමෝම දැනටමත් දන්නවා ඇතිනේ ඇන්ඩ්‍රොයිඩ් ෆෝන් එකක් රූට් කරන හැටි නම්.තව Odin සොෆ්ට්වෙයා එක ගැන එහෙමත් අහලා ඇතිනේ.එහෙනම් දන්න නොදන්න හැමෝටමත් එක්ක දැනගන්න මම මේ නූලෙන් ඇන්ඩ්‍රොයිඩ් ෆෝන් එකක අපි දන්න/නොදන්න කරුණු කාරණා දිගටම දාන්නම්. 01.මේ ඔඩින්(Odin) කියන්නෙ මොකද්ද? අහලා ඇති මේ ගොඩක් අය ඔඩින් ඔඩින් කියලා සොෆ්ට්වෙයා එකක් ගැන කියනවා.ඇත්තටම ඔඩින් කියන්නේ samsung සමාගමෙන් වැරදීමකින් අන්තර්ජාලයට එක්වුණු එහෙම නැත්නම් leaked software එකක්.samsung සමාගම මේක පාවිච්චි කරන්නේ ඇන්ඩ්‍රොයිඩ් ඩිවයිස් එකකට firmware/os/kernel/radio's වගේ දේවල් "flash"(ඇතුලත්) කරන්න.මේකෙන් ඔයාගේ ෆෝන් එකේ ඕනම අනතුරුදායක තැනකට කලින් කිව්ව firmware/kernels වගේ දේවල් flash කරන්න පුළුවන්කම තියෙන නිසා මේ Odin අපි භාවිතා කරනකොට බොහොම ප්‍රවේශම් වෙන්න ඕනේ.නැත්නම් ෆෝන් එකට sorry.com තමා.ඒ කිව්වේ ෆෝන් එක soft හෝ hard "brick" වෙන්න පුළුවන්.ඔඩින් ගැන කියන්න තව ගොඩක් දේවල් තියෙනවා.දැනට මේ විස්තරේ විතරක් දාන්නම්.මේ නූල දිගට කරන්න බලාපොරොත්තුවක් තියෙන නිසා පස්සේ තව විස්තර දාන්නම්. 02.මොකද්ද මේ Brick(hard/soft) වෙනවා කියන්නේ? (Brick = ගඩොල), ෆෝන් එක ගඩොලක් වෙනවා කියන තේරුමම තමයි.මොකද ගඩොලක් අපිට on කරන්න බැරි නිසා.මෙන්න මේ සිද්ධියම තමයි මෙතනදිත් වෙන්නේ.ෆෝන් එකට නොගැලපෙන යම් firmware/kernel වගේ flash කලාම ෆෝන් එක ආපහු on නොවෙන තත්වයට පත්වෙනවා.මේක තාවකාලික වගේම සදාකාලික වෙන්න ඉඩකඩ තියෙනවා. Soft Brick --> කියන්නේ ෆෝන් එක "boot loop" එකක දිගටම තියෙන එක.ඒ කියන්නේ boot නොවී samsung හෝ අදාල ෆෝන් වර්ගයේ boot logo එකේ දිගටම නතර වෙලා තියෙන එකයි.හරියට windows 7 කියලා වැටිලා computer එක ඔන් නොවී තියෙනවා වගේ තමා.මේක තාවකාලිකයි.ඒ කියන්නේ අපට ඇන්ඩ්‍රොයිඩ් ගැන හොඳ දැනුමක් තියෙනවා නම් boot loop එකකට යන්න සිද්ධ වුණේ මොකක් නිසාද කියලා හොයලා ඒකට පිළියමක් යොදන්න පුළුවන්. ඒ කියන්නේ boot loop එකට ගියේ අලුතින් flash කරපු kernel එකක් නිසා නම් අපිට පුළුවන් ආපහු හරි kernel එක internet එකේ search කරලා flash කිරීමෙන් බොහොම පහසුවෙන් ආපහු home screen එකට ෆෝන් එක boot කරගන්න.ගොඩක් අය නම් කරන්නේ සල්ලි දහස් ගණන් දීලා ආයෙමත් software ගහන එක(flashing software).අයියෝ සල්ලි. Hard Brick --> කියන්නෙ නම් පුතෝ ගොඩක් දරුණු කේස් එකක්.මොකද මෙහෙම වුණු ෆෝන් එකක් අඩේකට තියනවා මිසක් ගොඩ ගන්න නම් ටිකක් අමාරුයි.ඉතින් මුලින්ම කියන්න තියෙන්නේ ලොකු ගණන් වලට ගත්තු ෆෝන් වලට නම් ලොක්කෝ වගේ වැඩි වැඩ දාන්න ගිහින් වියදම් කරපු සල්ලි සේරම නාස්ති කරගන්න එපා කියලා ඕන්.දැන ගියොත් කතරගම නැත්තම් අතරමඟ කියන්නේ නිකම් නෙවෙයිනේ. 03.මොකද්ද මේ Download Mode කියන්නේ? වැරදිලාහරි ඔයාගේ samsung ෆෝන් එක ඕෆ් කරලා ඔන් වෙද්දී ඔබන් ඉඳලා තියෙනවා නම් මේක දැකලා ඇති.මේක පාවිච්චි කරන්නේ official විදියට radio firmware[radio?? මොකක්?? -->පහළ (04) වෙනි එක බලන්න තේරෙයි] හෝ ROM upgrade/downgrade [පහළ (05) බලන්න] කරන්නයි. 04.මොකද්ද එතකොට මේ Radio firmware කියන්නේ? මේකට කියන තවත් නමක් තමයි "baseband" එක.බලාගන්න ඕන නම් settings->about device එකේ පහළට යනකොට ඇති "Baseband Version" කියලා.මේක radio සම්බන්ධ දෙයක් නම් නෙවෙයි හොඳේ.මේකෙන් තමයි ඔයාගේ ෆෝන් එකේ Network connectivity, Wi-Fi, GPS වගේ දේවල් පාලනය කෙරෙන්නේ.සාමාන්‍යයෙන් baseband upgrade කිරීමෙන් අපිට අලුත් features මොනවත් ලැබෙන්නේ නෑ.නමුත් ඒකෙන් connectivity issues වලට පිළියම් වගේම network range එක වැඩි කරගන්න සහ battery usage එක අඩු කරගන්න පුළුවන්. 05.ROM එකක් කියන්නේ මොකද්ද? ROM එකක් OS එකකට බොහෝදුරට සමාන වෙනවා.අපි custom ROM flashing කියලා කරන්නේ official නොවන වෙනත් වර්ගයක හෝ එම වර්ගයේම, වෙනත් developer කෙනෙක් විසින් හඳුන්වාදුන් ROM එකක් flash කිරීමයි.හරියටම කිව්වොත් windows වෙනුවට වෙනත් අයෙක් නිර්මාණය කරපු අලුත් OS එකක් install කරනවා වගේ තමයි.මේ වගේ විවිධ ROM වර්ග දැන් බොහෝ developers ලා develop කරලා තියෙනවා.http://forum.xda-developers.com මෙන්න මේ සයිට් එකට ගිහින් ඔයාලගේ ෆෝන් වර්ගය දීලා බලන්න මොනතරම් නම් custom ROMs මේකේ තියෙනවද කියලා.බැලුවට කමක් නෑ දන්නේ නැත්නම් flash කරන්න යන්න නම් එපා පුතෝ.Custom ROM flash කරන්න නම් ෆෝන් එකේ bootloader unlocked වී තිබීම හා root කර තිබීම අනිවාර්‍යයි.Custom ROM විවිධ වර්ග තියෙනවා,අහල තියෙනවද දන්නේ නෑ cyanogenmod(cm) ගැන.අහලා ඇති නේද.මේක බොහොම ප්‍රසිද්ධ AOSP(Android Open Source Project) ROM එකක්.හැබැයි ඉතින් මගේ S4 එකටනම් මම දාන්න කැමති samsung official TouchWiz User Interface එක තියෙන TouchWiz(tw) custom ROM තමයි.අනිත් ඒවත් flash කරලා පාවිච්චි කරලා තියෙනවා.ඒක ඉතින් එක එක්කෙනාගේ කැමැත්ත අනුව වෙනස් වෙනවා.තව GPE(Google Play Edition) ROM එහෙමත් තියෙනවා.මේකත් AOSP වර්ගයේ Open Source ROM එකක්.මේවගෙ තියෙන වෙනස්කම්, වැඩි විස්තර මේ නූලෙම පස්සේ දාන්නම් හොඳේ.එතකම් ඉවසන්න අමාරු ගොයියෙක් ඉන්නවනම් ඉතින් Google දෙයියගේ පිහිට පැතුවට කමක් නෑ. මෙන්න මේකත් දනගත්තට කමක් නෑ හොඳේ, එක සමීක්ෂණයකින් හෙළි වෙලා තියෙනවා ඇන්ඩ්‍රොයිඩ් ෆෝන් තියෙන 80%ක්ම පාවිච්චි කරන්නේ root නොකරපු ෆෝන් කියලා.ගොඩක් අය root කියන වචනේ දන්නෙත් නැතිලු, සමහර අය හිතන්නේ root කරන එක වැරැද්දක් හෝ අපරාධයක් කියලලු, තවත් අය හිතන්නේ root කරන්න ගිහින් ෆෝන් එක brick වෙයි කියලලු.නමුත් මේ root කරන්නේ මොකටද, ඒකෙන් ලැබෙන වාසි මොනවද කියලා මේ කවුරුත් නොදන්න එක තමයි තියෙන ගැටළුව.හරි root ගැනත් පස්සේ මේ නූලෙන්ම කියල දෙන්නම්කෝ.මගේ ප්‍රශ්නය තමයි ඇන්ඩ්‍රොයිඩ් කියන්නේ Open Source OS එකක් නම් ඇයි අපි ඒක අපට අවශ්‍ය විදියට customize කර නොගන්නේ කියන එක. 06.Bootloader කියන්නේ මොකද්ද? මේකෙන් තමයි ඔයාගේ ෆෝන් එක මූලික අවස්ථාවට බූට් කරන්නේ.ඒ කියන්නේ මේකෙන් ඔයාගේ ෆෝන් එක kernel එක execute කරන්න පෙර අවස්ථාවට බූට් කිරීම සිද්ධ කරනවා.පහළ පින්තූරෙ බැලුවම තේරෙයි.වැඩි විස්තර දැනගන්න උවමනා නම් මේකෙන් බලන්න.http://forum.xda-developers.com/wiki/Bootloader සමහර ෆෝන් වල bootloader locked.Sony වල එහෙම සමහර වෙලාවට මේවා locked.බලාගන්න ඕන නම් මෙන්න මේ code එක dialer එකේ ටයිප් කරන්න.[(*#*#7378423#*#*-->Service Info-->Configuration) මේකේ මෙහෙම තියෙනවද බලන්න: Bootloader unlock allowed - Yes <<මෙහෙම තියෙනවනම් locked>> Bootloader Unlocked - Yes <<මෙහෙම තියෙනවනම් unlocked>>] samsung වල bootloader කොහොමත් unocked නිසා ප්‍රශ්නයක් නෑ. 07.Kernel එකක් කියන්නේ මොකද්ද? kernel එක කියන්නේ ඔයාගේ ෆෝන් එකේ OS එක සහ hardware එකට සම්බන්ධ කරන link එකයි.සාමාන්‍යයෙන් ඇන්ඩ්‍රොයිඩ් ෆෝන් වල පාවිච්චි වෙන්නේ linux kernel එකක්.මේකත් ඔයාලට බලාගන්න පුළුවන් settings-->about device එකේ පහළට යනකොට තියෙන Kernel Version කියන තැනින්.අපි ෆෝන් එකට අලුතින් ROM එකක් flash කරනකොට ඒ ROM එකේ තියෙන kernel එකත් ROM එකත් එක්කම install වෙනවා.ඇත්තටම මේ kernel වලින් ගොඩක් ප්‍රයෝජන තියෙනවා.හැබැයි ඒවා ගන්න නම් custom kernel එකක් flash කරගන්න වෙනවා.මේක නම් බොහොම ලේසි වැඩක්.Custom recovery mode එකකින් ලේසියෙන්ම flash කරගන්න පුළුවන්.kernel එකකින් නිවැරදිව වැඩ ගන්න නම් kernel tweaking tool එකක් ඕන වෙනවා.උදාහරණ විදියට Stweaks/Trickster MOD/Synapse වගේ ඒවා ගන්න පුළුවන්.අපි custom kernel flash කරනකොටම මේ සමහර tools install වෙනවා.මේ tool වලින් processor max/min speed වගේම cpu voltages/gpu settings/gpu voltages, වගේ ගොඩක් දේවල් අඩු වැඩි කරගෙන battery life එක උපරිම කරගන්න පුළුවන්.ආ ඇයි හොඳම දේ තමයි මේකේ තියෙනවා "Fast Charge" facility එක.ඒකෙන් ෆෝන් එකේ charging voltages වෙනස් කරලා ඉක්මණට charge කරනවා.මේකෙ කිසිම අතුරු ආබාධයක් නෑ.අත්දැකීමෙන් කියන්නේ.තව මේ fast charge එක අපිට USB හරහා pc හෝ lap එකෙන් charge කරනකොටත් අපේ original charger එකෙන් charge කරනකොට ගන්න voltage එකම USB එකෙනුත් ලබා දෙනවා.ඉතින් charger එකෙන් charge කරනවා හා සමානව ඉක්මණට ෆෝන් එක charge වෙනවා.නැත්තම් USB charge වෙන්න යන වෙලාව charger එකෙන් charge කරනවට වඩා වැඩියින්.වැරදි kernel එකක් flash කලාම ෆෝන් එක boot loop එකකට ගිහින් soft brick වෙනවා කියන එකත් අමතක කරන්න එපා හොඳේ.kernel flash කරන හැටිත් අනිත් දේවල් එක්කම පස්සේ කියලා දෙන්නම් හොඳේ. 08.Recovery Mode කියන්නේ මොකද්ද? මෙන්න මේක නම් ඔයාලා ගොඩදෙනෙක් අහලා දැකලා තියෙන දෙයක්.ෆෝන් එක ඕෆ් කරලා ඔබාගෙන හිටියොත් recovery mode එකට යන්න පුළුවන්.ගිහින් බැලුවට කමක් නෑ දැකලා නැත්නම්.මුකුත් කරන්න යන්න එපා හැබැයි.මෙන්න මේ recovery mode එක ගොඩක් වැදගත් වෙන්නේ custom ROM එකක් එහෙමත් නැත්නම් kernel එකක් එහෙමත් නැත්නම් modded apk එකක් flash කරන්න යනකොටයි.මේවා ගැනත් පස්සේ හෙමීට කියලා දෙන්නම්. සාමාන්‍යයෙන් නම් built-in තියෙන්නේ CWM(ClockWorkMod) recovery එකයි.නමුත් මේ recovery එකේ user friendliness නම් අන්තිමයි.මොකද කිව්වොත් up/down/back/select කරන්න touch buttons නැතිකම.මේකේ ඒ දේවල් වලට පාවිච්චි වෙන්නේ (power/home/vol up/vol down) buttons.ඉතින් මේක හරි කරදරයක් නිසා අපේ advanced android developers අයියලා මේකට හොඳ විසඳුමක් විදියට PhilZ Touch නමින් එම CWM recovery එකේම touch user interface එකක් තියෙන advanced mode එක හඳුන්වාදුන්නා.ඒ වගේම TWRP recovery එක හඳුන්වාදුන්නේ Team Win Recovery Project විසින්.මම නම් මගේ ෆෝන් එකේ flash කරලා තියෙන්නේ මෙන්න මේ TWRP recovery එක තමා.මේක පාවිච්චි කරන්න ප්‍රධානම හේතුව තමයි මේ TWRP recovery mode එක නිතර update වෙන එක.ඒ නිසා අලුත් features ගොඩක් මේකේ තියෙනවා.මේවත් විස්තර සහිතව පසුවට කියලා දෙන්නම් හොඳේ.මේ පහළ තියෙන්නේ TWRP site එක.ගිහින් බැලුවට කාරි නෑ. http://teamw.in/Devices/ .................................................. .....................................